【Pgkla alang mu】
Yaku o pnaah ku alang skadan .nyusan Skanki nsngan bsuring bsngan，tama mu o niqan ptasan qras na ni paru bi nhuway na ni msgaya bi euda na uri.labil na o saw struku balay.maa ksuun rngayan qmita kana klwaan Truku ka alang nniqan mu nii hug？yasa brax 400 kbkuy hnkawas sida.ida jima tnpusu bsngan hini ka rudan nami Truku da.kika ksuun太魯閣國家公園tnngahan.nasi niqan jiyax namu ,iyax bi tuhuy alang mu bsngan ha.
【Pgkla muda msaput qpahan mu】
Niqan pxanl,plwanan mu miyax pgkla knkla kndsan Truku pusu sasaw samaw tnpusu hini ka kingal rudan , sida o mqaras nami bi sntruug pgkla ana mamu knkla rudan uri.wada sapah ka rudan tmgsa ni du,asilu embahang wada hridan pspuhan da msa.mkrawax bi lnglungan mu ni naqil bi kuxul mu uri.manu paah kiya sida du,asi ku nanak usa alang mgalang kari ni muda psaput bitaq sayang.da.
Musa ku muda msaput sida.mgay spat kari pndakar knan ka rudan tmgsa.tg1 o mnslagu lnglungan 、tg2 o llabang lnglungan、Tg3 o paru bi lnglungan、tg4 o mgdhug bi lnglungan qmeepah mgalang kndsan knkla Truku msa.kika mdhuq ku mnru qmeepah mgalan knkla kndsan ruda sasaw samaw bitaq sayang.laqi Truku knbiyax ta kana hug !