Ci Ohay-Sewana kako

Panganganan no matu’asay i takuwanan，nai pasawali Ciwkangan ko tu’as ako。misi’ayaway to kalumuwadan no cidal，midaoy to lotok to riyar ato kinaira no salawacan ko ‘orip niyam，tada makapahay a niyaro’，o mapapaliway a masasipadangay ko fiyawfiyaw。
I tu’as awa ko nafaloco’ an ako to maan，nika yamisatapang i picudadan a mikerir to mitiliday，ato micumod i Yincumin TV a paratoh to singpung i。tada manikaw to suwal ato demak ato serangawan no niyaro’，safaloco’an a mipatusuk a minanam、o suwal、to serangawan、to rayray 、ato kimad no matu’asay，ato lekakawa no mita masapangcahay。
「O saka talulong no fana’ nomita to serangawan ko suwal，ano mafukil to no tireng a suwal，samaneng a mihapinang ko serangawan no niyaro’，a midocong to demak no tatu’asan。」
Ano ca pikihatiya to saopu no pulong，ato pikaput to ilisin no niyaro’，ca pakadocong kita to nano tu’asan a demak，o mamalasawad ko suwal a malahedaw to ko masaPangcahay。