na minkuo 90 cenana. matiananai Yencu mincu wiyenhue, tia mapurai  maritakarʉ Yiencumin tamna kari……

na minkuo 90 cenana. matiananai Yencu mincu wiyenhue, tia mapurai  maritakarʉ Yiencumin tamna kari. aranai kavangvang meesua pananai sikiing Yiencumin tamna kari. sua isi ia, miaranau cenana ’atipiʉn Yiencumin tamna kari. tia cu masikusa na vo’oorua cacanʉ. meesua kavangvang sua iku takacicini. matirupangʉ na hetai, tia cu pui’i na tanasʉn. iimua cucuru mataatʉa sua takananga. mamanʉng ’incu ’una tasikusaa. murungu hetai tamna tikuru akini taniara. matipa cu tia maritakarʉ Kanakanavu tamna kari, putukikioa isi. nakai ka’anʉ tavara’ʉ tia aranai nanu pananai? sosomanpe kacaua cau. nguai sua mamarurang Kanakanavu, ’esi ciciri maku mumuranʉ. mataa ’una pa kacaua kari Nantau tamna sinmung marisinatʉ. arakukunu na cacanʉ tumatuturu. ’apaica

Yienminhui tamna nikacacana mapurai putukikioa. matirupangʉ Kanakanavu tamna siarupaca sinatʉ. macani kari sinatʉ — ciucie ciaucai. mataarava marivivini cu karananana kari sinatʉ. siatikirimi sinatʉ …. masini noo musikarʉna “cuyi e rʉyien” nukai “siensang cʉtien”. cumacʉ’ʉra na sikara in sinatʉ nukai ’esi ’inia riang. tinakacicini macanicani marisinatʉ. nukai cani cani kari marivici nanamu

’apuiskarʉ. putukikio takacicini tamna cuku, cucuru ’una karanana kacangcangara

’inia. makai koo ’aparanʉpʉ takananga. minkuo 104 cenana. tuiisua cu ucani cuku sua Kanakanavu. nakai ’akia pa na Yiencu mincu tiensʉtai. makasua ka’anʉ tavara’ʉ mitʉvʉngʉ. atiuma cu vo’oorua putukikio. aranai cenana isi(107) tupuru na ta’ʉnʉ makari. tumatuturu sinpung. sua kari Kanakanavu ia, cina kari maku. mataa nimaica pa maka’ʉna kiatuturu macasʉ cenana. maricucuru marisinatʉ, tumatuturu kari. pacʉpʉngʉ ’ituumuru cu tavara’a. nakai masikusa na ’aningu pokarikari. ka’anʉava maatʉa! iimua makasi kari “muciri ucani fʉncung, te pa kunting maan cenana.” ’ituumuru pa tia kiatuturua. ’esi na Yiencu mincu tiensʉtai.

’una mastaan mintasʉ, mastaan saihu tumatuturu sinpung. marangʉ iku sua na nguani. nakai macangcangarʉ ku kiatuturu nguani. kamʉcʉ ku makacang kisapatʉ nguani tamna siacacana.